Karnataka State Higher Education Academy, Dharwad

ಕರ್ನಾಟಕ ರಾಜ್ಯ ಉನ್ನತ ಶಿಕ್ಷಣ ಅಕಾಡೆಮಿ, ಧಾರವಾಡ

(ಕರ್ನಾಟಕ ಸರ್ಕಾರ)

ಸುದ್ದಿ

ಹೊಸ ಕ್ಯಾಂಪಸ್ ಸ್ಥಾಪನೆ:

ಸಧ್ಯಕ್ಕೆ ಕರ್ನಾಟಕ ವಿಶ್ವವಿದ್ಯಾಲಯದ ಸುವರ್ಣ ಮಹೋತ್ಸವ ಕಟ್ಟಡದಲ್ಲಿ ಅಕಾಡೆಮಿಯು ಕಾರ್ಯ ನಿರ್ವಹಿಸುತ್ತಿದೆ. ಕರ್ನಾಟಕ ವಿಶ್ವವಿದ್ಯಾಲಯವು ಅಕಾಡೆಮಿಯನ್ನು ಸ್ಥಾಪಿಸಲು ಸುಮಾರು 27 ಎಕರೆ ಜಮೀನನ್ನು ಲೀಜ್ ಮೇಲೆ ಕೊಟ್ಟಿದ್ದು, ಕರ್ನಾಟಕ ಸರಕಾರವು ಹೊಸ ಕಟ್ಟಡವನ್ನು ನಿರ್ಮಾಣ ಮಾಡಲು ರೂ. 60 ಕೋಟಿಗಳನ್ನು ಮಂಜೂರು ಮಾಡಿದೆ. ಇದಲ್ಲದೆ ಇನ್ನು 30 ಕೋಟಿ ರೂ. ಗಳನ್ನು ಮೂಲಭೂತ ಸೌಕರ್ಯಗಳಿಗಾಗಿ ಮಂಜೂರು ಮಾಡಿದೆ. ಕಟ್ಟಡ ನಿರ್ಮಾಣ ಕಾರ್ಯವನ್ನು ಕರ್ನಾಟಕ ಗೃಹ ಮಂಡಳಿಗೆ ವಹಿಸಿದ್ದು, ನೂತನ ಕಟ್ಟಡದ ಶಂಕು ಸ್ಥಾಪನೆಯನ್ನು ದಿನಾಂಕ 17.02.2018 ರಂದು ನೆರವೇರಿಸಲಾಯಿತು. ಭವ್ಯವಾದ ಮುಖ್ಯ ಕಟ್ಟಡ, ಬೇರೆ ಬೇರೆ ಅಳತೆಯ ತರಗತಿಗಳು, ಕಚೇರಿ, ಆಡಳಿತಾತ್ಮಕ ಭವನ, ಗ್ರಂಥಾಲಯ ಹಾಗೂ ಪ್ರಯೋಗಾಲಯ ಮುಂತಾದವುಗಳು ಇವು ನೂತನ ಕಟ್ಟಡದ ಆವರಣದಲ್ಲಿ ಮುಖ್ಯವಾಗಿ  ನಿರ್ಮಾಣಗೊಳ್ಳುತ್ತಿವೆ. ಇದರೊಂದಿಗೆ ಇನ್ನಿತರ ಕಟ್ಟಡಗಳಾದ ಶಿಬಿರಾರ್ಥಿಗಳಿಗೆ ವಸತಿಗೃಹ, ಅತಿಥಿಗೃಹ, ನಿರ್ದೇಶಕರ ವಸತಿಗೃಹ, ಸಿಬ್ಬಂದಿ ವಸತಿಗೃಹಗಳು ನಿರ್ಮಾಣಗೊಳ್ಳಲಿವೆ. ಅಕಾಡೆಮಿಯ ಆವರಣದಲ್ಲಿ ವ್ಯಾಪಕ ಹಸಿರು ವಾತಾವರಣದ ನಿರ್ಮಾಣ, ಆಧುನಿಕ ವಿಧಾನಗಳಿಂದ ನೀರಿನ ಸದ್ಬಳಿಕೆ, ತ್ಯಾಜ್ಯಗಳ ವಿಲೇವಾರಿ ವ್ಯವಸ್ಥೆಯನ್ನು ಕೂಡ ಒಳಗೊಂಡಿರುತ್ತದೆ. ಇದರಲ್ಲಿ ಆಧುನಿಕ ಜಿಮ್, ಕ್ರೀಡೆ ಮತ್ತು ಸಂಗೀತದ ವ್ಯವಸ್ಥೆಯನ್ನು ಕೂಡ ಕಲ್ಪಿಸಲಾಗುವುದು.

Back To Top